A INDUSTRIA TÉXTIL: PRODUCIÓN E CONSUMO.

 

                                              

 Continuamos coas exposicións de temática medioambiental relacionadas co proxecto de centro  "Coida do clima, coida dos teus". 

 1º de primaria foi o curso encargado de proseguir o proceso expositivo co seu traballo "A industria téxtil: produción e consumo" conmemorando o Día da Moda Sustentable que se celebrou o 24 de abril . Acompañou a exposión oral con maquetas ilustradas sobre a evolución da moda e tamén cunha exposición de distintos materiais, accesorios, ferramentas, mobiliario e máquinas utilizadas por costureiras e xastres.

 O alumnado falou da industria téxtil, da orixe dos materiais que se utilizan ( da terra :algodón e liño/ dos animais: lá, seda, coiro/ do petroleo: nailon, acrílico e polar), dos accesorios, dos lugares de onde proceden as prendas, da evolución  e do tipo de moda rápida e barata. Remataron a exposición cantando a canción de Radio Futura "Enamorado de la moda juvenil"

Todos somos sabedores que a industria da moda afecta ao medio ambiente. A maneira de producir e consumir roupa e textiles é unha das principais causas do dano aos ecosistemas, debido en gran parte á pegada ecolóxica que deixa e ás prácticas de sobreprodución e consumo excesivo.