MeteoLoriga

  O Día Meteorolóxico Mundial celébrase cada 23 de marzo para conmemorar a posta en vigor do convenio da Organizacíón Meteorolóxica Mundial de 1050, onde se destaca a importancia da meteoroloxía para a seguridade e o benestar da sociedade.  No noso colexio conmemoramos esta data contando co  traballo de investigación que fixo o  alumnado de 4º de primaria sobre a relación entre as  condicións meteorolóxicas e a calidade do aire en Galicia que expuxo pola megafonía do centro na Hora de Lectura. Tamén quixemos facer un pequeno experimento empregando a sulfatadora chea de auga e aproveitando que raiaba o sol puidemos observar como se producía o Arco da Vella no noso patio escolar.  Todos os estudos que o alumnado de 4º de primaria foi realizando poñen de manifesto a gran influencia que ten o clima   na saúde das persoas e sobre  todo o aire que respiramos. A meteoroloxía condiciona a nosa vestimenta, o que comemos e en como nos sentimos cada día. ...

Do 9 ao 13 de marzo celebramos no noso colexio a Semana da Prensa. Contamos con xornais autonómicos, nacionais e extranxeiros para ler novas e poder elaborar unha noticia en positivo relacionada co proxecto de centro "Coida do clima, coida dos teus" e vinculada á temática concreta de cada curso:  - Eucaliptos non, carballos si. Educación Infantil. - Industria téxtil: produción e consumo. 1º de primaria. - Economía circular. 2º de primaria. - A degradación dos ecosistemas. 3º de primaria. - O clima e a saúde. 4º de primaria. - Os incendios forestais. 5º de primaria. - A pegada do carbono. 6º de primaria.                                  

 O alumnado de 4º de primaria comezou hoxe a sementeira da avea moura. Según o calendario lunar o 12 e 13 de marzo eran unhas datas propicias para o cultivo deste cereal e a lúa estaba en fase minguante. O estado do ceo era sol con nubes e as temperaturas oscilaron entre 7 e 15 ºC. Cun índice de calidade do aire favorable e unha probalidade de ocorrencia de choiva dun 5%. A partir de agora terán que facer un seguimento diario rexistrando o tempo atmosférico, a data do primeiro brote do cereal e os centímetros que vai medrando. Neste curso o programa Voz Natura xunto á Misión Biolóxica de Galicia uníronse para estudar a avea moura ou avea negra, un cereal tradicional, e crear un proxecto para o cal seleccionaron 16 centros de toda a comunidade autónoma, entre eles está o noso colexio. Esta iniciativa está impulsada pola Misión Biolóxica de Galicia,CSIC, que busca reintroducir este cereal tradicional, aproveitando a súa seristencia e capacidade de cultivo en condicións especiais....