MeteoLoriga

                                                   Continuamos coas exposicións de temática medioambiental relacionadas co proxecto de centro  "Coida do clima, coida dos teus".   1º de primaria foi o curso encargado de proseguir o proceso expositivo co seu traballo "A industria téxtil: produción e consumo" conmemorando o Día da Moda Sustentable que se celebrou o 24 de abril . Acompañou a exposión oral con maquetas ilustradas sobre a evolución da moda e tamén cunha exposición de distintos materiais, accesorios, ferramentas, mobiliario e máquinas utilizadas por costureiras e xastres.  O alumnado falou da industria téxtil, da orixe dos materiais que se utilizan ( da terra :algodón e liño/ dos animais: lá, seda, coiro/ do petroleo: nailon, acrílico e polar), dos accesorios, dos lugares de onde proceden as prendas, da evolución  e do tipo ...

A primavera non só transforma a paisaxe enchéndoa de cores e aromas agradables, senón que inflúe na nosa fisioloxía, nas emocións e no noso comportamento. O aumento da luz solar, o incremento da temperatura e o renacemento da flora e a fauna son factores que contribúen a mellorar o noso estado de ánimo, aumentando a nosa enerxía e promovendo unha sensación xeral de benestar.  Así o manifestou co seu poema a rapazada de 2º de primaria, pois esta nova estación convida a pasar máis tempo na rúa xogando e gozando.

 O alumnado de 1º de primaria en colaboración coas súas familias elaborou distintas maquetas relacionadas cos fenómenos  meteorolóxicas.

  O Día Internacional do Libro foi fixado pola    UNESCO no ano   1995 para fomentar a cultura literaria e protexer a propiedade intelectual; tendo como obxectivo apoiar a creatividade, a diversidade e a igualdade de acceso ao coñecemento. Escolleuse esta data porque coincide co pasamento de tres grandes autores da literatura universal, como foron:  William Shakespeare, Garcilaso de la Vega e Miguel de Cervantes .  En Cataluña a xornada cadra tamén co Día de Sant Jordi, onde a tradición agasalla cunha rosa e un libro. Na área de influencia do noso colexio festéxase o San Xorxe de Cristimil, a xente acode a esta romaría para pedirlle ao santo pola saúde dos animais, levando para a casa unhas estampiñas e unhas varas benditas.  No colexio conmemoramos o Día do Libro saíndo á Aula da Natureza para facer lercturas ao aire libre relacionadas co proxecto de centro "Coida do clima, coida dos teus", que nos convidaron a reflexionar sobre a importancia de desen...