23 de abril. DÍA DO LIBRO.

 O Día Internacional do Libro foi fixado pola  UNESCO no ano 1995 para fomentar a cultura literaria e protexer a propiedade intelectual; tendo como obxectivo apoiar a creatividade, a diversidade e a igualdade de acceso ao coñecemento.

Escolleuse esta data porque coincide co pasamento de tres grandes autores da literatura universal, como foron: William Shakespeare, Garcilaso de la Vega e Miguel de Cervantes. 

En Cataluña a xornada cadra tamén co Día de Sant Jordi, onde a tradición agasalla cunha rosa e un libro. Na área de influencia do noso colexio festéxase o San Xorxe de Cristimil, a xente acode a esta romaría para pedirlle ao santo pola saúde dos animais, levando para a casa unhas estampiñas e unhas varas benditas. 

No colexio conmemoramos o Día do Libro saíndo á Aula da Natureza para facer lercturas ao aire libre relacionadas co proxecto de centro "Coida do clima, coida dos teus", que nos convidaron a reflexionar sobre a importancia de desenvolver pequenos hábitos diarios que contribúen a minimizar os efectos do cambio climático. 

Ademáis contamos coa colaboración do escritor e mestre de infantil Iago López que nos amosou a súa faceta de contacontos. Que ben o pasamos contigo profe Iago eres un gran contador de historias!