NOVO PROXECTO CURSO 2025-26 "COIDA DO CLIMA, COIDA DOS TEUS".
O novo proxecto de centro para este curso 2025-26 leva por título: "Coida do clima, coida dos teus", co que pretendemos continuar coas actividades iniciadas no proxecto anteriore, tratando de mellorar os resultados e introducirnos en novas iniciativas para acadar no noso alumnado unha boa educación ambiental, climática e meteorolóxica. Construíndo así unha responsabilidade colectiva na defensa da vida, pois os pilares da educación deberían de apoiarse nos principios de suficiencia, reparto e coidados.
Neste curso queremos amosar á nosa comunidade educativa a importancia dos nosos pequenos actos sostibles para contribuir a frear o cambio climático e protexer o medio ambiente.
É necesario que as rapazas e rapaces comprendan a situación de crise climática na que nos atopamos e estean preparadas e preparados para emprender as medidas de corrección e adaptación necesarias para soster as nosas sociedades poñendo a sustentabilidade da vida no centro das nosas prioridades.
Para afondar neste proxecto será necesario que cada grupo clase, ao longo do curso, investigue, observe e analice arredor destas temáticas:
E. Infantil: Eucaliptos non, carballos si.
1º de E. Primaria: Industria téxtil: produción e consumo.
2º de E. Primaria: A economía circular.
Comentarios
Publicar un comentario