FEIRA EDUCATIVA.

 O pasado 6 de xuño celebrouse en Lalín a 1ª Feira Educativa, unha iniciativa que parteu do CEFORE en colaboración co Concello e coa Consellería de Educación. O noso centro educativo participou nela, sendo un auténtico espazo de investigación, creatividade e compromiso coa educación. Baixo o lema “Ciencia para un futuro sostible”, celebramos a nosa feira educativa, un proxecto de centro que implicou a toda a comunidade escolar: alumnado, profesorado, familias e persoal non docente.

Esta feira non foi só unha exposición de contidos, senón unha oportunidade para desenvolver habilidades fundamentais: traballo en equipo, comunicación, pensamento crítico e responsabilidade social. O alumnado foi protagonista activo da súa aprendizaxe, e iso notouse no entusiasmo e na calidade dos proxectos presentados; sendo un deles o espazo MeteoLoriga, onde catro representantes do alumnado tiveron a oportunidade de explicar aos visitantes os coñecementos meteorolóxicos adquiridos neste curso  e mesmo facer un breve resumo dos datos recollidos na nosa estación meteorolóxica.

Durante toda a xornada, o ambiente foi moi especial: familias, veciños e mesmo representantes do concello achegáronse a coñecer os traballos do alumnado. 

Non podemos pechar esta entrada sen agradecer de corazón a todas as familias que estiveron ao noso carón durante toda a organización e desenvolvemento da feira educativa. A vosa participación, apoio e entusiasmo foron fundamentais para que esta experiencia fose posible e tan enriquecedora.

O compromiso compartido entre escola e familia é o que realmente impulsa aos nosos rapaces e rapazas a crecer, aprender e soñar cun futuro mellor e sostible. Grazas por confiar en nós e por formar parte desta aventura educativa.


 
















































Comentarios

Publicar un comentario

Entradas populares de este blog

INFORME METEOROLÓXICO DE MARZO. 1º DE PRIMARIA.

Imagen
   Os nenos e nenas de 1º de primaria foron os encargados de observar, rexistrar os datos meteorolóxicos e subilos á aplicación de MeteoEscolas ao longo do mes de marzo. Estableceron a rutina diaria de análisis do tempo, creando un recuncho meteorolóxico. Tamén se apuntaban os datos no mural meteorolóxico principal do colexio.  Unha vez rematado o mes de marzo, na Hora de Lectura, fixeron un pequeno resumo de todos os datos obtidos e analizados, e a través da megafonía do centro, déronllos a coñecer ao resto dos cursos. 
Leer más

METEOROLOXÍA INTERXERACIONAL

Imagen
Esta semana os  cursos de  1º e 5º de primaria visitaron dúas residencias de maiores da zona, a de Vila de Cruces e a de As Dores de Lalín para realizar unha xornada de convivencia interxeracional . Alí as nosas rapazas e rapaces déronlle as novas meteorolóxicas dos primeiros meses do ano, recitáronlles poemas e refráns ,  contáronlles o conto do arco da vella e despois  preguntáronlles aos maiores se notaran que o clima fora cambiando dende que eles eran máis xóvenes. Na residencia das Cruces, a sra. María e a sra. Digna, e na de Lalín, o sr. Amado contestaron que antes as estacións estaban máis definidas, os invernos eran fríos, con nevadas, xeadas, e incluso había caramelos de xeo colgados das tellas e os veráns eran moi caluroso, a veces moscaban as vacas. Todas e todos gozamos da conversa, da compañía, dos bos consellos dos agasallos e dunha rica merendola.   É a primeira vez que o noso alumnado fai esta actividade interxeracional e resultou toda unha exper...
Leer más