MeteoLoriga

   Os nenos e nenas de 1º de primaria foron os encargados de observar, rexistrar os datos meteorolóxicos e subilos á aplicación de MeteoEscolas ao longo do mes de marzo. Estableceron a rutina diaria de análisis do tempo, creando un recuncho meteorolóxico. Tamén se apuntaban os datos no mural meteorolóxico principal do colexio.  Unha vez rematado o mes de marzo, na Hora de Lectura, fixeron un pequeno resumo de todos os datos obtidos e analizados, e a través da megafonía do centro, déronllos a coñecer ao resto dos cursos. 

 Nunha zona central do noso colexio establecemos un Espazo Meteorolóxico onde podemos observar os datos diarios relativos ao tempo atmosférico. Tamén se poden ver imaxes relacionadas con cada estación, refráns de cada mes, novas de prensa, vocabulario en inglés, cancións e poesías, artigos informativos sobre a relación do clima coa saúde ou cos cultivos de tempada. Unha zona que nos permite coñecer os aparellos que proporcionan datos meteorolóxicos e un climograma onde cada mes rexistramos a temperatura media e a cantidade de precipitación.