MeteoLoriga

Do 4 de novembro ao 4 de decembro puidemos gozar no noso centro das lecturas da Maleta Climática do CEIDA. Esta maleta permitiunos  ampliar información para a elaboración dos distintos traballos  de temática ambiental que cada clase  deberá facer para posteriormente expoñer oralmente aos demais cursos. A maleta climática forma parte do programa Por unha Transición ecolóxica que o CEIDA desenvolve co apoio da diputación de A Coruña e axudando a acadar varios obxectivos da Axenda 2030. O propósito é que o alumnado dos centros educativos solicitantes comprenda a problemática do cambio climático e da crisis global, coñeza os escenarios do futuro que podemos atopar se non comezamos a actuar canto antes, así como as ferramentas que a cidadanía pode ter  para mitigalo.                                                          ...

  As nenas e nenos de 3º de primaria, axudados polas súas familias, estiveron recompilando refráns do mes de decembro relacionados coa meteoroloxía.                                        

Dende o mes de outubro    proseguimos  coa actividade diaria de observación e rexistro do tempo atmosférico utilizando os aparatos e a estación meteorolóxica que xa temos de vello no colexio, ademáis consultamos  a páxina de MeteoGalicia. Cada mes unha determinada clase é a encargada de efectuar as anotacións  nunha táboa de rexistro.Unha tarefa que xa levamos un par de cursos realizando. A mediados de novembro recibimos a grata novidade de que fomos seleccionados para participar no programa MeteoEscolas, isto permitiranos profundizar no coñecemento meteorolóxico. Continuaremos utilizando a nosa casiña do tempo para colocar o novo termómetro dixital que nos regalaron e tamén o pluviómetro.