6º PRIMARIA: A PEGADA DO CARBONO.
Hoxe comezamos as exposicións de temática medioambiental relacionadas co proxecto de centro "Coida do clima, coida dos teus". 6º de primaria foi o curso encargado de iniciar este proceso expositivo co seu traballo "A pegada de carbono. Acompañou a exposión oral con manualidades plásticas e co baile dunha canción ao resto do alumnado do centro. Informáronnos de que a pegada de carbono é un valor calculado que permite comparar a cantidade total de gases de efecto invernadoiro que unha actividade, produto, empresa ou país engade á atmosfera. Adoitan indicarse en toneladas de emisións por unidade de comparación. Moitas accións que facemos a diario contribúen a xerar emisións de CO2 que favorecen o cambio climático: ver a tele, ducharse, enviar un correo electrónico, comer unha hamburguesa...Por iso debemos repensar a nosa forma de vida para poder garantir a existencia das especies e frear o cambio climático. ...